"Bu ayaq kəsilməlidir” dedilər, Bioloji Təbabət klinikası pasiyenti amputasiyadan xilas etdi

"Artıq bir neçə ildir ki, yüzlərlə xəstə üzərində aparılmış bioloji tənzimləyici müalicə nəticəsində ən müxtəlif və ağır dərəcəli trofik xoralar sağaldılır, xəstələrin aşağı ətraflarının amputasiyasının qarşısı alınır. Hətta bir neçə yerdə "bu ayağa çarə yoxdur, gecikmisiniz, təcili kəsilməlidir” diaqnozu qoyulan xəstələr son anda Bioloji Təbabət klinikasına üz tutub və davamlı və fərqli müalicə üsulları ilə sağlamlığına qovuşub”.

Bu sözləri Medicina.az-a açıqlamasında  Bioloji Təbabət klinikasının terapevti Arzu Musayeva deyib. O, ağırlıq dərəcəsi 90%-ə çatsa belə, pasiyentləri müayinə və müalicəyə götürdüyünü bildirib. Biotənzimləyici metodlara əmin olduğundan, hətta ağır fəsadlarda belə pasiyentlərə imtina etmədiyini qeyd edən həkim bu müalicənin özəlliyini belə izah edib:

"Bizim klinikada diabetik ayaq, venoz, arterial mənşəli ağır trofik yaralar bioloji metodlarla tam regenerasiya olmuş, xəstənin ayağının və ya barmaqlarının amputasiyasının qarşısı tam alınmışdır. Biotənzimləyici təbabətin unikallığı onun orqanizmin özünümüdafiə və özünütənzimləmə sistemlərini aktivləşdirməsində, orqanizmi zərərli maddələrdən, toksinlərdən təmizləməsindədir. 

Bizim istifadə etdiyimiz dərmanlar NANO dozada olduğu üçün birbaşa hüceyrəyə təsir edir, zədələnmiş hüceyrələrə daxil olur, onu qısa müddətdə bərpa edir. Bu dərmanlar toxumalarda toplanmır, heç bir zərər vermir. Diabetik xoralarda biotənzimləyici terapiya zamanı qanda şəkərin normallaşması da müşahidə olunur. Qısa zamanda xəstələrdə tam sağalma əldə olunur, xəstələr normal iş və həyatına qayıdır. Bir həkim olaraq xəstələri amputasiyadan xilas etdiyimiz üçün əlbəttə ki, sevinirəm”